Branch OB 2012 THLAN A NI TA

Dt. 5th December 2011 zan KTP Inkhawmah kum 2012 atana Nursery Veng Branch Kristian Thalai Pawl Office Bearers tur te thlan a ni a, member 86 inkhawmin heng mi te hi kan thlang chhuak a, inkhawm banah Inthlanpuitute hoin chanvo tur insiamrem nghal a ni a, hetiangin :

Leader : Dr. H.Lalthanzara
Asst.Leader : Tv C.Krostlansanga
Secretary : Tv David Lalnunsanga
Asst.Secy. : Tv Lalremruata Pachuau
Treasurer : Tv Lalnunfela
Fin.Secy : Tv Lalnunkima

EVANGELICAL WEEK PROGRAMME

KṬP, Nursery Veng Branch, EVANGELICAL WEEK chu November 14-21, 2011 chhung hian kan hmang dawn ta. Member ten Intuaithar nan leh mi hla zawk te Pathian hnena kan hruai theih nan ṭhahnemngai takin i ṭawngṭai ṭheuh ang u.
Kan hun hman dan tur tlangpui chu hetiang hi a ni e : -

14 Nov. 2011 (Monday)
5:15 pm : Chaw Nghei Ṭawngṭai Rual

6:30 pm : Evangelical Week Hawnna Inkhawm
Chairman : Tv David Lalnunsanga, Chairman, Evangelism Sub-Com
Ṭantu : Tv Lalṭhazuala
T/Khawntute : Nl Baby Lalenremi
Nl Lalnunthari
T/Hlantu : Pu Ramfangzauva
Ṭawngṭairual
Week Hawnna : Upa S.K.Thanga
Sermon : Rev. K.Lalpiangthara, Speaker
Quartet : Andrew, Freddy, Henry & TBC-a

15, 17 & 18 Nov. 2011 : Fehchhuah Programme
6:30 pm : Biak Inah Ṭawngṭairualna hman tur a ni a. Member 20 bawr vel thlan chhuah te hnenah Branch Committee Member te leh Group tin OB te an fehchhuak ang a, Fehchhuak ve lo member ten ṭhahnemngai takin Biak Inah Ṭawngṭaina lo hman tur a ni. Ṭawngṭaina lo kaihruai tur hian Tv B Lalmalsawma, Asst.Secy, Sari Group, chu ruat a ni bawk.

16 Nov.2011 :
Nilai Zan Inkhawm Ban :
A Hmun : Biak In
Hun Hmandan : Report, Ṭawngṭairual & Sharing

19 Nov. 2011 (Saturday)
10:00 am : Sermon Inkhawm
Speaker : Upa Zoramkunga
Member te ṭhahnemngai taka inkhawm tur ani a, fehchhuahnaa kan member tlawh te nen hun hlimawm tak hman ho tur a ni.

6:30 pm : Sermon Inkhawm
Sermon : Rev K.Lalpiangthara, Speaker
Solo : Nl Lalhruaitluangi Hmar

20 Nov. 2011 (Sunday)
1:30 pm : Sermon Inkhawm
A Hmun : Biak In
Sermon : Rev.K.Lalpiangthara, Speaker
Solo : Tv Vanlalsiama

6:30 pm : Sermon Inkhawm
A Hmun : Biak In
Sermon : Rev.K.Lalpiangthara, Speaker
Solo : Tv Lalṭhazuala

21 Nov.2011 (Monday) :
6:30 pm : Evangelical Week Kharna Inkhawm
Chairman : Tv C Krostlansanga, Leader
Ṭantu : Nl Marina Zorinpuii
T/Khawntute : Tv Lalchhuanmawia
Tv Romel Lalmuanpuia
T/Hlantu : Nl Liansangpuii
PRAISE & WORSHIP
Week Kharna : Upa C Ramhmasawna
Sermon : Rev. K.Lalpiangthara, Speaker
Solo : Nl Nancy Zothanmawii, Mission Veng

I tih ve theih tawk Lalpan a phut che chu engnge? Thlarau Bo Chhandam turin Lalpa tan han penchhuak ve rawh le.....

THENZAWL FIELD VENG BRANCH NENA JOINT FELLOWSHIP

  Ni 21 Oct. 2011 a lo her chhuah chuan kum tir aṭanga nghakhlel taka kan lo thlir - Thenzawl Field Veng Tlawh turin Nursery Veng KṬP Member 57 lai mai te chuan City Bus pahnih leh motor te leh two wheeler te in Sikul Tlang aṭangin chawhnu dar 1 ah kan chhuak ta. Tluang takin Thenzawl chu tlai dar 5:15 ah kan lut thei a. Field Veng KTP member ten min lo hmuakin kan thlen In turah min han sem darh ta sang sang mai a, hmelhriat ngai loh Inah zanriah han ei nghal chu a va hreawmin a va hlimawm si em!

Zan dar 6:30 ah Inkhawmna kan nei nghal a, Tv Lalnunfela, Fin.Secy hnen aṭangin Pathian thuchah ropui tak kan ngaithla a, Inkhawm banah Fellowship hlimawm tak kan nei zui nghal bawk.
Ni 22 Oct 2011 tukṭhuan ei kham a lo nih chuan infiamna nei ho turin Thenzawl Vengthar Field lam kan pan leh ta. Chawhma dar 11 velah infiamna hlimawm tak kan hmang a. Mipa Football leh Volleyball ah Thenzawl Field Veng chu kan tlawm der mai. Hmeichhe Volleyball, Mixed Dead ball leh Sairawkherh Inperhsiak hmangte in kan infiam ho a a nuam hle.
Tlai lam a lo nih chuan phur takin Vantawng lam panin kan chhuk leh ta a. Kan kal leh thei lo!!! Vantawng panna kawng chu an lo siamṭhat avangin kan lut thei si lova, a thlang deuhvah Vantawng hnar - Tuirihiau - ah kan kal ta zawk a, kan beisei aiin a nuam kan ti tlang niin kan hria. Phak tawk te te ah nuam kan ti hle.... Zan dar 6:30 ah Pathian biak Inkhawm kan nei leh a, Upa S K Thanga, kan Kohhran Represent hnen aṭangin Pathian thuchah ropui tak kan ngaithla leh bawk. Chhun lam kan chau deuh ni tur ani, mut a chhuak tlang hle. Inkhawm banah Fellowship kan nei leh a, kan Item - Acapella & Duet - ṭha takin kan ti thei a a lawmawm hle.

Ni 23 Oct 2011, Pathianni ah Chawhma Sunday School mahni department-ah ṭheuh kan kal a, theih ang angin pawl kan la ve a ni. Chawhnu Inkhawmah Field veng Branch Leader Pu TDa hnen aṭangin Pathian Thuchah ropui tak kan ngaithla leh a, Group Singing ṭha takin kan va zai thei bawk. Tlai lamah hun awl neiin mahni duhna hmun hmunah kan leng kual vel a, Thenzawl khaw fan hun remchangte la in hun kan hmanga a nuam hle.
Zan dar 6:30 ah Inkhawm nei lehin Tv C Krostlansanga, Leader hnen aṭangin Pathian thuchah ropui tak kan ngaithla leh a, kan hlimin zai pawh a nuam hle a ni. Tichuan, inkhawm banah kan Branch aṭanga member kal te leh Field Veng Branch member awm ang ang te nen thla kan la ho a... Zan dar 9 velah Fellowship kan hmang ṭan leh a, Pu R Lalduhawma, Asst. Leader in kaihruaiin heng kan Branch Items - Musical Drama, Beat Group, Solo (Nl Mercy Biakmuani & Tv Lalṭhazuala) & Trio te ṭha takin kan hlen chhuak thei a a lawmawm hle a ni.

Musical Drama
Changtute :
Tv Vanlalsiama, Pu Lalrintluanga, Nl Lalmuanpuii Sailo,
Nl Vanlalhmangaihi Pautu, Tv Vanlalhuma, Tv Lalhruaitluanga Ralte,
Tv Lalzawmliana, Tv B Lalmalsawma, Tv K Vanlalhriata,
Tv Lalnunfima, Tv Joel Zoramthansanga, Nl R Lalremruati,
Nl V Vanlalsiami, Nl Lalchhandami & Nl Zoramhmangaihi

Solo : Tv Lalṭhazuala

Solo : Nl Mercy Biakmuani

Trio : Tv Lalhruaitluanga Ralte, Nl Lalbiakhluni & Nl F Laldingngheti


Beat Group :
Vocal : Tv Lalremtluanga
Guitar : Tv Laldinpuia Hnamte
Bass : Pu Lalrintluanga (Atluanga)
Keyboard : Tv Samuel V L Hruaitluanga
Drums : Tv Joel Zoramthansanga
Light & Sound duh anga khawih sawn a remchan loh avangin musician te midang zinga ṭhuin zai an rem a, a uiawmin a pawi kan ti hle a, an music leh zai erawh a ṭha thlawt a, a nuam hle.

Zanlai dar 12 alo rik chuan Thenzawl Field Veng nena kan Joint Fellowship Programme duansa chu kan hmang zo ve thei ta hram a, a khawi zawk zawk branch pawhin nuam kan tiin hlawkthlak kan ti hle a. Bana kan han in chibai vel chuan lung te pawh a leng ve dawn alawm le....

Aw le! zing dar 5 alo ri ta, dar 6:30 a Aizawl pana chhuak turin kan han tho ta sang sang mai... duh ai chuan a va hma em.... Kan bungrua te Bus a kan inhlan fel hnu chuan an Sunday School Hall-ah an Leader Pu TD-an ṭawngṭainain min thlah a. Chutih lai tak chuan Bus Conductor, Pu Mafela, chu bus chung aṭangin a tla palh hlauh mai a, a insawh na angreng bawk sia a zialo ngei mai. Tichuan, dar 6:30 pelh hretah Thenzawl chu kan chhuahsan ta.
Kum hmasa lamah Thenzawl Field Veng lo tlawh tawh Luangmual KTP te an lo chetsual tawh avangin rilru thlamuang lo ru deuh chungin Aizawl lam chu kan pan ta vang vang mai le. Hmuifang Tourist Resort-ah duhtawka shooting neiin kan veng Nursery Veng ngei mai chu Ni 24 Oct 2011 chhun dar 12 ah Pathian hruaina avangin tluang takin kan rawn thleng leh ta e.

KṬP Hnatlang @ PUC Zohuan

Nimin tahrik ni 8 October 2011 khan kan Treasurer, Dr.H.Lalthanzara hmalakna lawmawm tak avangin Pachhunga University College ram, World Bank Road hrulah KṬP Hnatlang neih a ni a.

Theih ni se Branch pum pui hnatlanga thawh a chakawm viau laiin, College hotute duh danah mi 25 aia tam lo ni se an tih avangin Branch Committee chuan hnatlang tur te chu hming hmerhin an thlang ta mai a, thlante an kal kim vek thei a a lawmawm hle a ni.


PUC hian an ramah hian thing chi hrang hrang an phun a, hling leh hlo ten an dip ral mai loh nan, an thing phunna lai vel sam fai leh hai ven hna kan zu thawk ber a, a hmei a pain mahni thawh awm tawkah chuan kan ṭul tlang hlawm hle.


Mahni ei tur tiffin kan pai ṭheuhva, chu bakah Dal leh Sangha ṭin chhum ngei mai, Branch Secretary hovin siam a ni bawk a, kan tlaiin kan puar hlawm hle a ni.

Hetianga Branch Inhlawhna ṭha tak mai min hmuh sak ṭhintu kan Branch Treasurer hnenah lawmthu kan sawi a, min hruaitu Pathian chungah kan lawm em em a ni.

Album

Naupang Inkhawmpui 2011

Kum 2011 naupang Bial inkhawmpui chu vawiin khan tluang taka zawh ani a. Kan veng Biak inah Primary leh Junior ten inkhawmpui an nei a. Bungkawn Biak in ah Beginner leh Intermediate ten an nei bawk. Chaw hma lamah Primary leh Beginner te an inkhawmpui a, chawhnu lamah Junior leh Intermediate te an inkhawmpui bawk.

Vawiin naupang inkhawmpui ah hian kan veng kan che tha hle a, Beginner te chu pahnihna anni a, Primary, Junior leh Inter te chu pakhatna an ni vek ani.

Result kim chang chu :
BEGINNER DEPTT.
1. Bungkawn Vengthar Kohhran
2. Nursery Veng Kohhran
3. Bungkawn Kohhran

PRIMARY DEPTT.
1. Nursery Veng Kohhran
2. Bungkawn Vengthar Kohhran
3. Bungkawn Kohhran

JUNIOR DEPTT.
1. Nursery Veng Kohhran
2. Bungkawn Vengthar Kohhran
3. Bungkawn Kohhran

INTERMEDIATE DEPTT.
1. Nursery Veng Kohhran
2. Bungkawn Vengthar Kohhran
3. Bungkawn Kohhran


Primary Deptt. Leader in Lawmman Pakhatna a dawng


Junior Deptt. Leader in Lawmman Pakhatna a dawng


Kan refreshment sem pawh a tuihnai in a cial khawp mai

Zaipawl intihsiak tluangtaka zawh ani

Hun reitak atanga kan lo urlawk tawh Group Zaipawl intihsiak chu vawiin khan tluang taka neih zawh ani a. Naomi group te chu pakhatna niin, Sari group te chu pahnihna anni a. Ruthi leh Estheri group te chu Pathumna anni. Best Conductor ah Tv. Lalthazuala (Ruthi group) chu thlan ani bawk

Thlalak te chu Hetah hian a en theih ani

Chaw Nghei Tawngtai Hlawhtling taka hman a ni.

CKTP Rorel Inkhawmin a lo rel - "KTP Member Biak In thleng phak lo te puala ram pum huap Chaw Nghei Tawngtai ni rawh se" a tih chu hlawhtling takin Nursery Veng KTP pawhin kan hmang ve thei a, a lawmawm hle a ni. He programme hi Bungkawn Bial KTP Conference-in a lo rel, Central thlenga kal tura tih kha a ni a, CKTP Rorel Inkhawma a thlentu Bial chhunga kan Branch-in hlawhtling taka kan hmang thei hi a lawmawm lehzual hle a ni. Member 64 lai thawkchhuakin mahni ei ai buhfai kan keng theuh bawk a ni.

Tawngtai thupui tur Central KTP-in a buatsaih hmangin tawngtaina hman a ni a. Session thum (3) a thenin, Session 1-na tlai Dar 6:00 ah tan a ni a, Session 2-na hi hman chhunzawm nghal niin, inkhawm programme hman chhunzawm nghal a ni a, Session 3-na hi Inkhawm banah hman a ni.
Kan hun hmanah Thlarau Thianghlim chenchilhna kan chang nasa hle in a hriat a, zai ho a nuam a, tawngtai boruak a tha bawk a, kan theihtawk kan tih ah Pathian pawhin mal a sawmin Biak In thleng phak lo kan thalaipui ten Lalpa lam an hnaih ngei ang tih i ring tlat ang u.

Tawngtai Thupui te chu heng te hi a ni e : -

I. Lawmthu sawina leh Inhlanna :

1. KTP in kawng hrang hranga Pathian hruaina kan dawn avanga lawmthu sawina.
2. Mahni theuh Inhlan tharna.
   

II. Biak In thleng phak lo te :

1. Ruihtheih thil avanga Biak In thleng phak lo te tan.
2. Chhungkaw harsat avanga Biak In thleng phak lo te tan.
3. Mipat hmaichhiatna hman sual avanga Biak In thleng phak lo te tan.
4. Pathian ngaihsak loh avanga Biak In thleng phak lo te tan.
5. Zirtirna diklo avanga Biak In thleng phak lo te tan.
6. Rukruk, eiruk leh sualna chi hrang hrang avanga Biak In thleng phak lo te tan.
7. Khawvel hmasawnnain a ken tel chi hrang hrang avanga Biak In thleng phak lo te tan.
8. Pathian dah hmasa lova chhuanlam hrang hrang avanga Biak In thleng phak lo te tan.

Tv. Lalhruaitluanga Ralte pawh a zai tha khawp mai.

Rawngbawltu seminar neih ani

Ni 30, June 2011 Remna ni chawlh denchhen khan Bungkawn Pastor Bial Standing committee ruahmna na in Bial inkhawmpui rorel "Bial huap rawngbawltu seminar" chu Bungkawn biakin ah neih ani a. Seminar thupui atan hian "rawngbawltu mawhphurhna" tih leh "Kohhran in relbawlna" te thlan ani a. Resource person atan Kan bialtu Pastor Rev. T.C. Laltlanzova hman ani a. Kan veng atang pawhin member 69 an kal.

Seminar paper hi kan scan a, hetah hian a chhiar theih ani

Hmanlai zan

Dt. 13 June 2011 Thawntan zan khan Branch KTP inkhawmah Hmanlai Zan Programme hman a ni a. member ten kan hlut hle a, amaherawhchu ruahsur avang leh thuam remchan loh vanga harsatna tawk kan awm tih kan hriatin Branch comt. chuan pawi a ti takzet a ni. A tel te chuan an hlawkpuiin an hlimpui hle in ka hria.

Kohhran Committee represent Upa SK Thanga chuan "Hmanlai thuam kan entir mek lai hian hmanlai mizo nunzemawi te, kristian nundan tha, hun hman dik, aia upa zah leh Pathian thuawih etc. te i chhawm nung zel ang u" a ti. A pawimawh hle.


Hmanlai zan thlalak (Hetah hian thlalak dang ho a en theih e)

KUMPUAN THUPUI THUAWIHNA DOWNLOAD THEIH

Kumin 2011 chhunga KTP Kumpuang thupui "THUAWIHNA" tih chu download theihin a awm a, A link hi a sirah kan dah a kumin chhung chu kan dah ang, Hmun danga awm te tan pawh lo download a lo zir ve theih ani e

(a thupui a click khian download page ah a lut nghal)

KRISTIAN CHHUNGKAW CAMPAIGN

Tun Pentikos ni denchhen hian kan kohhran chuan Kristian chhungkaw campaign hun a buatsaih a, Speaker ah kan Bialtu Pastor hlui Rev. Vanlalzuata, Synod Sr. Exe Secretary chu an hmang ani. Inrinni zan atanga tan in Chawlhni zan thlenga hman tur ani ang. Inkhawm vawi 4 a awm anga heng inkhawm vawi 4 ah hian kan speaker hian thu a sawi dawn ani. Inrinni zan, Chawlhni chawhma leh chawhnu inkhawm banah hian inpawl hona a awm anga. Chawlhni zan inkhawm banah hian Zaikhawmna a awm bawk ang. Inrinni zan ah pawh Biak In khat mai bakah pawna thu te an awm hial a, kohhran ten kan hlawkpui ngei a beisei awm.

Pathianni chawhma inkhawm chu kan thahnem khawp mai. Biak In chhung, Gallery, leh pawn a thutna awm thei zawng zawng a khah vek hnu ah inhnuai (Centenary Hall) ah thutna siam leh ani a, hemi ah hian Biak In sound te zawm thlak anih bakah projector in Biak In chhung te live a en theih a tihchhuah ani a. Hmasawnna kawng kan zawh zel a, a ropui hle ani

Naomi Group Hnatlang Cum Tumbu Khawrh

Vawiin ni 28th may,2011 khan Naomi Group te chuan hnatlang neih pawh in Week 2011 a 2-na kan nih ka lawm a. Member te kan kal tha in nuam kan ti hle. Kan Leader inhliam pawh a rawn kal ve a, a hmun a thlen chuan inhliam lo ang zar a ni e. Hei le thlalak thenkhat :

Branch Hnatlang neih ani

Zanin khan Pu Rallianzuala te in hnuai leivung paih hnatlang neih ani a, member te kan kal tha hle a, member 37 lai kan thawk chhuak. Vanduai thlak takin Tv. Adina chu a light fit tur a rahna a pial avangin a chesual a, a ngal a sawh kak a, Hospital kalpui nghal niin hmun kua laiah an lo thui a, a dam that zel nan duhsakna kan hlan e.

Kan hnatlang hi ruah a rawn sur zui avangin kan thawk tam thei lo a, member kan kalthat tum tak ani bawk si a, a uihawm hle ani. Chuti nilo se kan thawk kaw duak tur ania.

Kan leivung paih tur cho phut lai, (afiah vak lo nangin kan neih chhun ania, a hriat theih tho hi.)

Leivung hi a ban avangin a paihna ah hian hnawl thlak zel angai a, kan in tlar thla thap

BUNGKAWN & MAUBAWK PASTOR BIAL JOINT SERVICE PROGRAMME

Bungkawn Pastor Bial KTP Leader in Maubawk Pastor Bial KTP Leader thilpek a hlan lai

Bungkawn leh Maubawk Pastor Bial Joint service programme chu hman mek ani a, ni 21 leh 22 may chhung a hman tur ani. Programme chu a hnuai ami ang hi a ni

BUNGKAWN & MAUBAWK PASTOR BIAL

JOINT SERVICE PROGRAMME

Ahun : May 21 & 22, 2011

A hmun : Maubawk Kohhran Biak In

May 21, 2011 (Inrinni) Zan Inkhawm

6:30 - 7:00pm : Zaihona

Chairman : Pu Lalrova,

Asst. Secretary, Maubawk Bial

Tantu : NI Lalnghakmawii Vanchawng,

Comt. Member, Bungkawn

Bial Reports :Bial 2 Secretary-te

Thuchah : Dr. H.Lalthanzara,

Treasurer, Bungkawn Bial

Zaipawl : 1) Bungkawn Kohhran

2) Lawipu Veng Kohhran

3) Maubawk Sikul Veng kohhran

Inkhawm ban Fellowship

Hruaitu : Pu Vanlalsiama,

Fin. Secretary, Bungkawn Bial

1. Accapella : Nursery Veng Branch

2. Short Play : Maubawk Branch

3. Trio : Bungkawn Vengthar Branch

4. Solo : Maubawk West Branch

5. Skit : Maubawk Sikul Veng Branch

May 22, 2011 (Pathianni) Chawhnu Inkhawm

1:00 - 1:30pm : Zaihona

Chairman : T.Upa J.Lalzarmawia

Asst. Leader, Bungkawn Bial

Tantu : Nl Zorampiangi,

Comt. Member, Maubawk Bial

Thuchah : Pu Hrangkhuma,

Leader, Maubawk Bial

Zaipawl : 1) Bungkawn Vengthar Kohhran

2) Maubawk West Kohhran

3) Maubawk Pastor Bial

Inkhawm ban Fellowship

Hruaitu : Pu Lalrochhuanga,

Fin. Secretary, Maubawk Bial

1. Musical Drama : Bungkawn Branch

2. Female Voice : Maubawk Branch

3. Trio : Lawipu Veng Branch

4. Group Singing : Nursery Veng Branch

May 22, 2011 (Pathianni) Zan Inkhawm

6:30 - 7:00pm : Zaihona

Chairman : Pu Peter Chhakchhuak

Asst. Leader, Maubawk Bial

Thuchah : Tv Lalnunfela,

Leader, Bungkawn Bial

Zaipawl : 1) Nursery Veng Kohhran

2) Maubawk Kohhran

3) Bungkawn Pastor Bial

Inkhawm ban Fellowship

Hruaitu : Tv C.Lalrinkima

Asst. Secretary, Bungkawn Bial

Thuchah tawi: Pu Lalsangzuala,

Treasurer, Maubawk Bial

1. Hand mime : Bungkawn Branch

2. Quartet : Maubawk Sikul Veng Branch

3. Male Voice : Lawipu Veng Branch

4. Beat Group : Bungkawn Vengthar Branch

5. Short Play : Maubawk West Branch

HRIATTUR PAWIMAWHTE

* Zaihruaihna chu thleng Bial kuta dah a ni

* Inrinni zan leh Pathianni zanah thilpek lakkhawm ang a, thlengtu Branch pual a ni ang.

Kan veng bik chanvo neih te tlem azawng thlalak kan dah a , Hetah hian a en theih bakah thlalak page ah khian kan dan bawk e.

Branch Reports

##    KTP Week chu Pathian hruaina zarah tluang takin kan zo fel thei a, Member te inpek naah hruaitu ten lawmthu an sawi tak meuh meuh a, Member te zara a hlawhtlinna hmu kan nih avangin lawmthu kan sawi a ni.
##    Naktuk zan hi Faith Promise Ip hlan zan a lo ni leh ta reng mai a, Bial neitu zawng zawng te mahni bial \heuh kim taka khawn turin kan in hriattir a, Member mahni ngei ina pe duh te pawh in Inkhawn naah hian mahni Ip te kan tur a ni e.
##    Week T-Shirt man la pe lut lo Group te a rang lamin pelut turin kan in hriattir a, mimal a la pe lo kan awm a nih chuan Group hruaitu te hnenah pe lut hma turin kan in hriattir e.
##    Hun remchang hmasa berah Branch hnatlang neih leh tur a ni dawn a, Member te hnatlang a thawkchhuak thei ngei turin lo inring lâwk ang u.
##     Tunkar Inrinni zan a\ang hian Maubawk Bial K|P te nan Joint Fellowship kan hmang dawn a nih kha, Member te Inkhawm ngai pawimawh ila, kan zavaia kan tel theihna Zaipawlah phei chuan a tam thei ang ber in hla rem i tum ang u.
##    Maubawk Bial nena kan intawh tawn hunah, Inrinni zan Fellowship-ah kan Branch Item Group Singing kan nei dawn a. Pathianni chawhnu inkhawmban Fellowship-ah Acappella leh Zan Inkhawmah Kohhran Zaipawl te kan zai dawn a ni.

Group Reports

Naomi
## Week hman zawh takah pahnihna an  ni chu an lawm hle a, he dinhmun hi member te inpekna vang liau liau a ni tih an hria a, lawmthu an sawi a ni. Hun remchang hmasa berah lawm ngei pawh an tum.
## Naktuk Zan Inkhawm ban khian Group Committee neih tur a ni a, Committee Member ten ngai pawimawh turin an in hriattir a, heihi kohnaa ngaih tur ani e.

Ruthi
## Naktuk zan Inkhawm hian Ip chhiar tur a ni a, Bial neitu zawng zawng ten kim takin mahni bial \heih khawn turin an in hriattir.
## Week a pathumna an ni chu an lawm hle a, member te inpek naah lawmthu an sawi a. T-Shirt man la pe lo ten a rang lamin Group O.B. te hnenah pek tur a ni.

Estheri
##   Tun thla Ip Inleng la lutlo a awm nual a, naktuk zan Inkhawmah la thehlut lo ten thehluh tur a ni e.
U Week kan hman zawh taka chanvo nei zawng zawng te chungah leh member zawng zawng te chungah hruaitu ten lawmthu an sawi.

Sari
##   Week a Champion an ni chu an lawm hle a, member te inpek naah lawmthu an sawi tak meuh meuh a ni. Hun remchang hmasa berah ruai nen lawm ngei an tum a, member te lo inring lawk turin an in sawm.
## An member Nl. Lalhlimpuii chu MSACS-ah hna \ha tak a hmu thar a, an lawmpui hle rualin Kolasib lama a awm tur chu an Group Member ten an ngai dawn hle ani.

ENGTIN NGE THLARAUVA KHAT NUN KAN NEIH ANG?

“Uaiin ruiin awm suh u, chumiah chuan insum lohna a awm si a, Thlarauva khatin awm zawk rawh u.”
                                                 Ringtu zawng zawng mamawh, mahse ringtu zawng zawng in kan neih si loh chu ‘Thlarauva khat nun’ hi a ni a. Ringtu chuan Chanchin\ha hril darhna hmanrua neiin, thiamna (degree) sang tak nei mahse a rawngbawlna atana mamawh ‘Thlarauva khat nun’ a neih si loh chuan a rawngbawlna in mi nun a hneh thei lo vang.
Kan Bible chuan Thlarauva khat turin min duh a, chutianga kan awm loh chuan Thlarau Thianghlim kan dodalin kan tilungngai a lo ni reng mai, engtin nge kan tih tak ang? Thlarau Thinghlim awmpuina len thiltihtheihna chu eng tin nge kan nunah a rawn lan chhuah ve theih ang? Bible-ah hian engtianga kan awmin nge Thlarauva tih khah kan nih tih ziahna chiah a awm lova, mahse Bible chuan he thu hi a sawi nasa khawp mai. Thuthlung Thar bu hi kan chhiar chuan kan nun thlaraua a rawn khah dan te, thlarau tihkhaha kan awm chian zia te chu rinhlelh rual lohin a lang fiah em em a ni. Thuthlung Tharin Thlarauva khah dan a sawi hi kawng thum in lo sawi ila.
Thlarauva khat nun kan neih theih nan thil hriat tur pawimawh tak tak pahnih kan nei a. Pakhatna chu Thlarau Thianghlimin min chenchilh a ni tih hriat hi a ni a. Pathian chuan Thlarau Thianghlim min pe tawh a, chu thlarau chu kan hnenah a cheng reng a. Krista chu chhandamtua kan pawm tawh chuan, Pathian Thlarau chu keimahniah a cheng reng tawh a. Min chenchilh tih hi kan hriat reng tur chu ani. Krista ta kan lo nih in Thlarau chu kan hnenah a lo cheng ani tih hi kan hriah chian loh chuan Thlaraua khat nun a neih theih \hin loh a ni.
Kan hriattur dang leh chu keimahnia lo awm ve SUAL chu a ni. Chu chu Thlarau in kan nuna hna a thawh theih loh nana daltu ‘Sual’ chu a ni. Thlaraua tihkhah nun kan neih theih nan kan nuna sual awm zawng zawng tihbo/thenfai hmasak tur a ni. Sual tehchiama kan in hriatloh laiin, sual thianfai tura kan tihtur hmasa ber chu sual keimahniah a awm tih hriat chian hmasak phawt a ni.
Pathian leh mihring hmaa \haa kan inngaih angin tumah hi kan \halo vek. Kan nun a\anga sual tihbo tum hi thil harsa tak a ni a, kan sual zia hriat chhuah mai a tawk lova, sual chu kan sim a ngai a ni. Kan nuna sual tihbo a harsatna ber pakhat chu sual chuan sual lamah kan mit a ti del a, kan sual thukzia kan hre thei lo. Kan hriat sual satliah inpuan chu awlsam tak ni maithei e, Lalpa nena kan len dunna khawih chhe theitu sual dang tamtak chu kan haider \hin. Suala kan ngaih te chauh ni lovin, Bible-in sual tia a sawi zawng zawng te chu kan puang chhuak vek tur a ni.
Sual inpuanna chuan kan thil tihsual zawng zawng a huap vek a. Sual tenau tê anga kan ngaih pawh Lalpan a ngaimawh a ni. Kan sual zawng zawng chu a tê ber a\anga a lian ber thlengin Krista hmaah kan phawrh fai vek tur a ni. Ringtu zawng zawng kan inzawh \heuh tur chu, “Ka nunah hian tunge thu nei ber? Krista hnenah ka inpe tawk tak tak em?” tih hi a ni.
Pathian thu a\angin ni tinin hriat belh neih zel tum ila, Nitin kan sual te kan puang anga, kan sual chu kan sim bawk ang. Nitin Pathian duhzawng kan ti anga, rinna in kan kal zel anga, tichuan Thlarauva tih khahin kan awm reng ang.

Nursery Veng Branch KTP sport 2011 neih mek ani

Thlalak

Thlalak dang